兔仔細心留意照顧，用最正確合適的方法養兔兔，其實兔兔可以好健康，可能無病無痛陪伴您身邊到老
養兩隻或三隻有能夠夾得黎，絕左育，當然無問題啦！但唔絕育，兔仔要生一兜兔仔好容易，養得起嗎？唔絕育好大機會有病變要花大筆金錢去醫，兔仔係香港無醫保架，識睇兔醫生少又難book，更得一間24小時有夜診的診所可以去搏一搏
夾唔到有無地方或做到公平對待兩隻兔兔，有一樣放風時間？佢地可能突然打架，咬傷對方可以好恐怖後果，今日我兩個衰仔就打架，傷嘅係我自己的手，我無驚係痛有傷口又流血，但我無嬲無鬧，比佢地知道我痛流血，雖然唔知佢地明幾多，但都要望實佢地的眼睛講一次，希望佢地明白打架，咬傷係會痛同流血，等待佢地friend 返又痴住
最有思想擁有最多都係人類，兔兔係小生命，佢地要求只是好少，有您就足夠，只要定時餵草比糧有熟水，有個安心訓教地方，有您陪伴的小空間跳下開心舞就足夠
網路資訊發達的時代，養兔經驗可以分享，更有熱血不怕辛苦缺乏資金支援的三間救兔兔的機構，點解今日或最近都可以將兔仔棄養於香港鬧市，明明兔仔唔係香港野外可以捉得到……好彩可以獲救，只要健康，香港三間救兔的機構都會盡力令兔兔重新得到本應有的兔生幸福健康快樂，但唔係隻隻運氣都咁好，實在係香港發生今日兩單棄養於野外好失望同心痛
2022年真的不易過，但日子還是過得快12月啦！明年更是兔年啦！義工們已想像到非常艱辛又資金吃力，人手不足的未來…
問自己內心感受，可以會不斷面對，但仍然因為有兩位衰仔，及有愛同行的您您您兔兔兔，發自內心而活，臣服當下，一切經歷，將是珍貴的回憶，222 愛兔兔
